Lockheed SR-71 Blackbird

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Lockheed SR-71 Blackbird
Lockheed SR-71 Blackbird
Datos chenerals
Tipo	avión de reconoixencia
Fabricant	Lockheed Corporation
Primer vuelo	22 d'aviento de 1964
Grandaria
Largaria	32.74 m
Altaria	5.64 m
Envergadura	16.94 m
Superficie alas	170 m²
Peso	78 t
Especificacions
Autonomía	5,230 km
Motor	2 × Pratt & Whitney J58
Velocidat maxima	3,540 km/h
Altaria maxima	26,000 m
Uso
Estato	Retirau
Operador	USAF
Atros usuarios	NASA
Producción
Unidaz construyitas	32
Derivato de	Lockheed A-12
Esquema

Lockheed SR-71 Blackbird ye un avión de reconoixencia estratechica de velocidat Mach 3 de largo alcanz y gran altitut desembolicau y fabricau por a companyía aeroespacial estausunidense Lockheed Corporation.^[1] Estió operau tanto por a Fuerza Aeria d'os Estaus Unius (USAF) como que por a NASA. O SR-71 estió desembolicau como un prochecto de l'avión de reconoixencia Lockheed A-12 entre o decenio de 1960 por a división Skunk Works de Lockheed.

L'incheniero aeroespacial estausunidense Clarence "Kelly" Johnson estió responsable de muitos d'os conceptos innovadors de l'aeronau. A forma d'o SR-71 se basó en a d'o A-12, que estió un d'os primers avions en estar disenyau con una sección transversal de radar reducida. En un momento dau, se yera considerando una variant de bombardero d'a aeronau, antis que o programa se centrase solament en a reconoixencia. L'equipo d'a misión pa la función de reconoixencia incluiba sensors d'intelichencia de sinyals, un radar aerotransportau d'observación lateral y una camera fotografica; o SR-71 yera mas largo y mas pesau que l'A-12, o que le permitiba contener mas combustible, asinas como una gabina de dos asientos. A designación SR-71 s'ha atribuiu a os esfuerzos d'o Chefe d'Estau Mayor d'a USAF, cheneral Curtis LeMay, qui prefirió a designación SR (Reconoixencia Estratechica) sobre simplament RS (Reconoixencia).

1. ↑ (en) Crickmore, Paul F. Lockheed's Blackbirds – A-12, YF-12 and SR-71A. Wings of Fame, Volume 8, 1997, pp. 30–93. London: Aerospace Publishing. ISBN 1-86184-008-X.